പ്രണയിക്കാതിരിക്കാന്‍ ആവില്ല.
ഞാന്‍ നിന്നിലും നീ എന്നിലും
ജീവിക്കുമ്പോള്‍.
സത്യം-
കൊഴിഞ്ഞപൂവുകളെ അല്ല
വിരിയാറായ മൊട്ടുകളെ
അത്രെ കാറ്റു താരാട്ടുന്നത്
നീഎനിക്കെന്നും പൂമൊട്ടുതന്നെ.
എന്റെ മൌനം-
നിന്റെ നെഞ്ചിലെ ഇളം ചൂടേറ്റ്
നിന്നോട് മൊഴിഞ്ഞതെന്തെന്ന്
ഞാനും കേട്ടില്ല.
എന്റെ ഗന്ധം-
ഇലഞ്ഞിപൂക്കള്‍കിടയില്‍
നീ തേടുന്നതെന്നെയെന്നിരിക്കെ
നിനക്കല്ലാതെ മറ്റാര്‍ക്കായ്
ഞാനിതു കാത്തുവെക്കും.
വാക്കുകള്‍-
നെഞ്ചില്‍ നെരിപോടായ്
ഊര്‍ജം പകര്‍ന്നെന്നെ നിന്‍
പ്രണയിനി ആക്കുന്നു.
നിന്നില്‍-
മഴപോലെ പെയ്തിറങ്ങാന്‍
മഴവില്ലിന്‍ നിറം നല്‍കാന്‍
ഞാന്‍ നിന്നെ പ്രണയിക്കുന്നു
No comments:
Post a Comment